ძლიერმა წვიმამ გუშინ საქართველოს რამდენიმე რეგიონი დააზარალა. სეტყვა იყო ბორჯომში, ბაკურიანში, ქვაბის-ხევსა და დვირში. ბაკურიანში სტიქია სულ რამდენიმე წუთს გაგრძელდა, თუმცა იმდენად ძლიერი იყო, რომ ავტომობილები დააზიანა.

სტიქია იყიო კახეთშიც, ძლიერმა სეტყვამ და ქარმა ყვარლის მუნიციპალიტეტი დააზარალა, ქარმა ერთ-ერთ სახლს სახურავი გადახადა, დაზიანებულია ვენახები და ნარგავები, ძლიერი ქარის გამო მოგლეჯილმა ხეებმა საავტომობილო მაგისტრალზე დროებით მოძრაობაც შეზღუდა.