(რეზონანსი) თელავში, ამ წუთებში სცენიდან, სადაც ქართული ხმებისა და ნიაზ დიასამიძის კონცერტი უნდა გამართულიყო, აპარატურა გააქვთ.
მიზეზი მოსალოდნელი უამინდობაა, რამაც ტექნიკის დაზიანება შეიძლება გამოიწვიოს.
თელავის მერის ინფორმაციით, სხვა ლოკაცია ღონისძიების გასამართად, ორგანიზატორებს არ შეურჩევიათ.
შეგახსენებთ, დღეს დილით, ღონისძიებების დაწყებამდე, სცენაზე რკინის კონსტრუქცია ჩამოინგრა, რის გამოც პროგრამაში ცვლილებები შევიდა.
სცენის ნაწილობრივ აღდგენა მოგვიანებით მოხერხდა, თუმცა ის გადახურვის გარეშე დარჩა.