(რეზონანსი) 24 მიასს, ქართველმა პროფესიონალმა მოკრივემ, ლაშა გურგულიანმა ეგვიპტის დედაქალაქ ქაიროში გამართულ ბრძოლაში ბერძნული წარმოშობის ეგვიპტელი, 27 წლის ანდრეას ვალავანისი დაამარცხა და WBF Super Welterweight კატეგორიაში მსოფლიოს ჩემპიონის ტიტული მოიპოვა.

ბრძოლამ ეგვიპტეში დიდი აჟიოტაჟი გამოიწვია, რადგან ეგვიპტური კრივის ისტორიაში ეს იყო პირველი შემთხვევა, როდესაც საუკეთესო ეგვიპტელ მოკრივეს ჰქონდა შანსი მსოფლიო ჩემპიონის ქამრისთვის ებრძოლა.

თუმცა, გურგულიანნა მასპინძლებს ზეიმის გამართვის საშუალება არ მისცა და 12 რაუნდიან დაპირისპირებაში რამოდენიმეჯერ დაანოკდაუნა მეტოქე, მაგრამ ვალავანისმა ბოლომდე გაუძლო. საბოლოოდ კი ქართველმა გამარჯვება ქულებით მოიპოვა.