ცნობილია 16 წლის გოგოს მდგომარეობა, რომელმაც ამ დილით სოფელ აღაიანში 7 თვის შვილი გაგუდა და შემდეგ სახლიდან გაიქცა. დანაშაულში ბრალდებული მარიამ შალამბერიძეა. მას ბრალი უკვე წაუყენეს.  მარიამ შალამბერიძის ინტერესებს სავალდებულო წესით დანიშნული ადვოკატი იცავს. 

ქეთევან გაგოევას ინფორმაციით, მისი დაცვის ქვეშ მყოფს ბრალი 11-ე პრიმა მუხლით და 109-ე მუხლის მე 2 ნაწილის ბ და ვ ქვეპუნქტების მიხედვით წაუყენეს – უმწეო მდგომარეობაში მყოფი არასრულწლოვანი ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე.