თინა ბოკუჩავა ზუგდიდში მე-9 საარჩევნო უბანზე არ შეუშვეს. პარლამენტის დეპუტატ თინა ბოკუჩავას პირადობის უქონლობის გამო ზუგდიდის მეცხრე საარჩევნო უბანზე ხმის დათვლის დროს დარჩენის უფლებას არ მისცეს.

ბოკუჩავა ამბობს, რომ მას აქვს პარლამენტარის საშვი და ნებისმიერ ადმინისტრაციულ შენობაში შესვლის უფლება აქვს.

საარჩევნო უბნის თავმჯდომარე, ირინე კარტოზია ამბობს, რომ ბოკუჩავას ზედამხედველობის უფლება მხოლოდ საოლქო საარჩევნო კომისიაში აქვს და არა უბანზე.

დეპუტატს საარჩევნო უბანი სამართალდამცველებმა დაატოვებინეს.