ქართველმა სუმოისტმა, ლევან გორგაძემ, ანუ ტოჩინოშინმა ზაფხულის სუპერტურნირზე ზედიზედ მე-7 ბრძოლა მოიგო. ლევანის დღევანდელი მეტოქე ექს-ოძეკი კოტოშოგიკუ იყო. ტოჩის კოტოშოგიკუსთან უარყოფითი ბალანსი ჰქონდა 9:24. დღეს კი მის წინააღმდეგ მე-10 ბრძოლა მოიგო.

ამ გამარჯვების შემდეგ ტოჩინოშინს 7:0-ზე ბალანსი აქვს და გათამაშების ლიდერია. მისი დაწევის შანსი იოკოძუნა კაკურიუს აქვს, რომელიც მოგვიანებით გამართავს საკუთარ ბრძოლას.

დღეს მეორე ქართველმაც გაიმარჯვა. გაგამარუმ, რომელიც კარგ ბაშოს ატარებს, ჯიუროს მე-9 ნომერი მიტორიუ დაამარცხა და ბალანსი 5:2-ზე აქვს.

ტოჩინოშინის ხვალინდელი მეტოქე მე-4 მაეგაშირა აბი იქნება.