ახმეტის მუნიციპალიტეტის სოფელ ოჟიოში ურთიერთშელაპარაკების დროს 35 წლამდე მამაკაცი ცივი იარაღით დაჭრეს. თვითმხილველების ინფორმაციით, მისი საავადმყოფოში გადაყვანა მეგობარმა სცადა, თუმცა მაღალი სიჩქარით მოძრავი ავტომობილის მძღოლმა საჭე ვერ დაიმორჩილა და ბოძს შეეჯახა.

მამაკაცი ამ დროისთვის თელავის რეფერალურ საავადმყოფოში იმყოფება.ექიმების ინფორმაციით, მას ჭრილობები მუცლის და ხელის არეში აქვს მიყენებული, ამ წუთებში კი დამატებითი კვლევები უტარდება.

"მამაკაცი დაახლოებით 40 წუთის წინ შემოიყვანეს ჩვენთან, ჭრილობები აქვს მუცლის ღრუსა და ხელის მტევნის მიდამოებში. ამ წუთებში უტარდება შესაბამისი გამოკვლევები", -  განუცხადა “აიპრესს” საავადმყოფოს დირექტორმა, ხათუნა ჭონიაშვილმა.