ევროვიზიის სიმღერის რიგით 64-ე კონკურსის პირველი ნახევარფინალი დღეს თელ-ავივში გაიმართა.

ევროვიზიის  კონკურსზე საქართველოს სახელით მომღერალი ოთო ნემსაძე წარსდგა. იგი მეთერთმეტე მონაწილე იყო პირველ ტურში  და სიმღერა – „სულ წინ იარე“ შეასრულა.

პირველი ნახევარფინალიდან კონკურსის ფინალში 10 ქვეყნის მონაწილე გადავიდა, მათ შორის საქართველო ვერ მოხვდა.

ევროვიზიის სიმღერის კონკურსის მეორე ნახევარფინალი 16 მაისს, ფინალი – 18 მაისს გაიმართება, პირდაპირ ტრანსლაციას "საქართველოს პირველი არხი" 23:00 საათიდან შემოგთავაზებთ.