საქართველოს ექსპრეზიდენტმა მიხეილ სააკაშვილმა მიუნხენში ქართველებთან შეხვედრისას 19 წლის ბუტა (ამირან) რობაქიძის მკვლელობის საქმე გაიხსენა. მისი აზრით, ტრაგიკული იყო რობაქიძის ისტორია, მაგრამ ამერიკაში ასეთები ძალიან ხშირად ხდება.

"საქართველო, ქვეყანა, რომელიც იყო სიცილიის დონეზე და გახდა მსოფლიოში მესამე ყველაზე უსაფრთხო ქვეყანა და ევროპაში ყველაზე უსაფრთხო. არ ვამბობ რომ პოლიცია არ უშვებდა შეცდომებს, უშვებდა, იყო ტრაგიკული ისტორიები. უკაცრავად, რომელ ქვეყანაში არ არის ? გერმანიაში არ არის? ამერიკაში არ არის? ამერიკაში ეგეთი ისტორიები ხდება ყოველ კვირას, მაგრამ აქ ჩაერთო მთელი რუსული პროპაგანდა. ძალიან ტრაგიკული იყო რობაქიძის ისტორია. გაისროლა პოლიციელმა, ტრაგიკული ისტორია იყო. ამერიკაში ასეთი ისტორია ხდება ძალიან ხშირად“, – განაცხადა სააკაშვილმა.