უკრაინაში საქართველოს საელჩოს მიმდებარე ტერიტორიაზე გამნაღმველები მუშაობენ. ინფორმაცია საქართველოს პირველ არხს საქართველოს საგარეო საქმეთა სამინისტროში დაუდასტურეს. უწყების ცნობით, სხვა დეტალები ამ დროისთვის უცნობია.

არსებული ინფორმაციით, კიევში, საქართველოს საელჩოსთან მდებარე ერთ-ერთ ობიექტზე ნაღმის არსებობის შესახებ შეტყობინება შევიდა. ადგილზე გამნაღმველები მუშაობენ. შესაბამისად, უსაფრთხოების ზომები მიმდებარე ტერიტორიაზე, მათ შორის საქართველოს საელჩოზეც გავრცელდა.