(რეზონანსი) სიღნაღის მუნიციპალიტეტში ძლიერმა სეტყვამ ასეულობით ჰექტარი ვენახი დააზიანა.

ადგილობრივების ინფორმაციით, სტიქია 20 წუთს გაგრძელდა, შედეგად ვენახები და ერთწლიანი ნარგავების 90%-ზე მეტი გაანადგურა.

„20 წუთი მოდიოდა სეტყვა, ეს ადგილები იყო სულ თეთრად. მოსავლის გარეშე ვართ. მინდორიც გაფუჭდა", - აცხადებს ერთ-ერთი დაზარალებული.

ადგილობრივები აცხადებენ, რომ მათი ერთადერთი შემოსავალი მოსავალია.

ამ ეტაპზე მხოლოდ ზარალის დათვლა მიმდინარეობს.

სიღნაღის გარდა, დაზარალებულია ასევე თელავის მუნიციპალიტეტი, სადაც მოსახლეობას წყალი არ მიეწოდება.