ყაზბეგის მუნიციპალიტეტში, სტეფანწმინდა-სამების ეკლესიასთან მისასვლელ 5.6 კმ-იანი გზის 300-მეტრიან მონაკვეთზე საპროექტო და გეოლოგიური სამუშაოები მიმდინარეობს. გზა სტიქიურმა მოვლენებმა დააზიანა.

გზის აღნიშნული მონაკვეთი შეისწავლეს ტექნიკური სამსახურების, საპროექტო ორგანიზაციების წარმომადგენლებმა და გეოლოგებმა. გერგეთამდე მისასვლელი გზის მონაკვეთზე სამუშაოებს წინასწარი შეფასებით დაახლოებით 2 თვე დასჭირდება.

დაზიანებულ მონაკვეთზე, მშენებლობის პერიოდში სამების ეკლესიამდე მისასვლელ გზაზე ავტოტრანსპორტის მოძრაობა არ შეიზღუდება და მძღოლები გადაადგილებას ცალმხრივ რეჟიმში შეძლებენ.