გადაუღებელი წვიმების შედეგად ახმეტის სოფელ ბაბანაურში საცხოვრებელი სახლების პირველი სართულები და სარდაფები დაიტბორა.

ახმეტის მერიაში განმარტავენ, რომ ადიდდა მდინარე ალაზანი, რის გამოც შესაძალოა პრობლემა სხვა სოფლებსაც შეექმნას.

უხვმა ნალექმა პრობლემები შექმნა თელავის რამდენიმე სოფელშიც. ლეჩურში მდინარე კალაპოტიდან გადავიდა და ცენტრალური მაგისტრალი დატბორა, რის გამოც მაგისტრალზე მოძრაობა შეფერხებულია. ადგილზე მძიმე ტექნიკა მუშაობს.