(რეზონანსი) საქართველოში ხვალ, ამინდი მკვეთრად გაუარესდება. გარემოს ეროვნული სააგენტოს ცნობით, 10 მაისს საქართველოში, უმეტესად ქვეყნის აღმოსავლეთ ნაწილში, მოსალოდნელია წვიმა ელჭექით, ზოგან ძლიერი, შესაძლებელია სეტყვა და ქარის გაძლიერება.

„მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში გაზაფხულის ზვავსაშიშროება და მეწყრულ-ღვარცოფული პროცესების ჩასახვა-გააქტიურება გამოიწვიოს", - ნათქვამია განცხადებაში.