(რეზონანსი) პროსტიტუციის ხელშეწყობისა და პროსტიტუციისთვის ფართის გადაცემის ბრალდებით დაკავებულ, სასტუმრო „მამიდას" მფლობელ როენა ხუცურაულს ბრალი ოფიციალურად წარედგინა.

ბრალი ოფიციალურად წარედგინა ხუცურაულთან ერთად დაკავებულ სხვა პირებსაც.

დაკავებულებს ბრალი სისხლის სამართლის კოდექსის 254-ე მუხლით ედებათ, რაც პროსტიტუციის ხელშეწყობას გულისხმობს. წინასწარ განზრახული ჯგუფურად ჩადენილი დანაშაულისთვის აღნიშნული მუხლი 3-დან 6-წლამდე პატიმრობას ითვალისწინებს.

აღკვეთის ღონისძიების შეფარდებაზე სასამართლო, სავარაუდოდ, ხვალ იმსჯელებს.

პროსტიტუციის ხელშეწყობის ბრალდებით ხუთი პირი, მათ შორის სასტუმრო „მამიდას" მფლობელი გუშინ დააკავეს.