(რეზონანსი) ბიზნესმენი ლევან ვასაძე პარიზის ღვთისმშობლის ტაძარში გაჩენილ ხანძარზე საუბრობს და ამბობს, რომ ეს შემთხვევითობა არ ყოფილა. ამის დასტურად კი ვასაძეს მისი ფრანგი მეგობრის სატელეფონი ზარი მოჰყავს, რომელმაც უთხრა, რომ ნოტრ-დამის ხანძარი ფრანგების ცოდვებს უკავშირდება.

„არ შეიძლება ნოტრ-დამის ხანძარი შემთხვევითობა იყოს. ჩემმა ფრანგმა მეგობარმა ფაბრიკ სოლანმა, მეღვინემ, რომელმაც პარიზში მამათმავლების აღლუმის წინააღმდეგ 2 მილიონი კაცი გამოიყვანა აქციაზე, გამაღვიძა და მითხრა - ლევან ძმაო, ეს ყველაზე მძიმე წუთებია ჩემს ცხოვრებაში. შევეცადე გამემხნევებინა - უფალი დაიფარავს საფრანგეთსთქო. არა, ღირსები ვართ, იმდენი ცოდვა გვაქვსო - მითხრა ჩემმა მეგობარმა. გული მომიკვდა ჩემი მეგობრის საცოდაობით. კიდევ რამდენჯერმე მომწერა იმ უძილო ღამეს, გამთენიისას კი მითხრა - უფლის გვირგვინი გადარჩაო", - ამბობს ლევან ვასაძე საკუთარ მიმართვაში.