(რეზონანსი) ხაშურში ექვსი თვის ბავშვი გარდაიცვალა. ამბავი 4 დღის წინ მოხდა, თუმცა ამის შესახებ დღეს გახდა ცნობილი.

„პრაიმტაიმის" ინფორმაციით, მშობლებმა სამედიცინო დაწესებულებაში უკვე გარდაცვლილი ჩვილი მიიყვანეს, მედ-პერსონალმა კი პოლიცია გამოიძახა.

რა გახდა ახალშობილის გარდაცვალების მიზეზი, ამას ექსპერტიზა დაადგენს, თუმცა, გავრცელებული ინფორმაციით, ბავშვის მშობლები სასმელდამოკიდებულები არიან და მას სათანადო ყურადღებას არ აქცევდნენ. მათ კიდევ 5 შვილი ჰყავთ.

მომხდარის გამო შინაგან საქმეთა სამინისტრომ გამოძიება დაიწყო. საგულისხმოა საქმისთვის მინიჭებული კვალიფიკაციაც - სსკ 116-ე მუხლის პირველი ნაწილი, რაც გაუფრთხილებლობით სიცოცხლის მოსპობას გულისხმობს.