(რეზონანსი) წყალტუბოს რაიონის სოფელ ჯიმასტაროში დაკარგულ 68 წლის მამაკაცს მეათე დღეა ეძებენ. როგორც ოჯახის წევრები აცხადებენ, მამაკაცი სათევზაოთ წავიდა და მდინარე რიონში თვითნაკეთი ნავით შევიდა.

მას შემდეგ საგანგებო სიტუაციების მართვის სამსახურის ჯგუფი სადღეღამისო მეთვალყურეობას ახორცილებს მდინარე რიონზე, მამაკაცს ეძებენ დრონით და ნავებით. ადგილობრივ მაშველებთან ერთად სამაშველო ოპერაციაში ჩართულია აჭარის და თბილისის მყვინთავების ჯგუფები. ამ ეტაპზე ნანახია ნავი და ტანსაცმელი. ნათესავები ვარაუდობენ, რომ უბედური შემთხვევა გულის შეტევის გამო მოხდა.