(რეზონანსი) საქართველოს პატრიარქთან, ილია მეორესთან გამართული შეხვედრის შემდეგ პანკისის ხეობის წარმომადგენლებმა შეხვედრის დეტალებზე ისაუბრეს და პატრიარქს მადლობა გადაუხადეს. მათი განცხადებით, შეხვედრა ძალიან ნაყოფიერი იყო მათ ილია მეორისგან ბევრი დარიგება მიიღეს.

„პატრიარქმა მოგვცა კურთხევა, რომ მივმართოთ ზემდგომ ირგანოებს, შეჩერდეს დაწყებული საგამოძიებო მოქმედებები. ჩვენ აუცილებლად მივმართავთ მთავრობას წერილით და საქმეში უკეთ გარკვევას ვთხოვთ. პატრიარქთან შეხვდრით ძალიან კმაყოფილები ვართ, არ უნდა დავუშვათ ხელი აღვმართოთ ერთმანეთზე, რადგან ერთი ქვეყნის შვილები ვართ. დიდი დანაშაული იყო, რაც მოხდა. იმისთვის, რომ არ გართულდეს ვითარება, აუცილებელია შეწყდეს საგამოძიებო მოქმედებები- განაცხადეს შეხვედრის დასრულების შემდეგ პანკისელებმა.