(რეზონანსი) დილიდან ენგურის ხიდზე, გალის რაიონიდან ზუგდიდში გადმომსვლელთა რიგია - ამის შესახებ აფხაზეთიდან მომავალი მოქალაქეები იტყობინებიან.

„გადამსვლელებს საათობით გვიწევს რიგში დგომა, ხალხს ნელ-ნელა ატარებენ. მეორე რიგი კიდევ ცალკეა გახსნილი, სადაც ქრთამის სანაცვლოდ უშვებენ ხალხს და ამის გამო, ამ ხაზზე საათობით გვიწევს დგომა",- წერს ლანა კოკაია სოციალურ ქსელში და თან აფხაზურ-ქართულ საგუშაგო პუნქტზეე გადაღებულ ფოტოს ურთავს.

მოსახლეობის ინფორმაციით, მესაზღვრეები პუნქტს რამდენიმე საათის განმავლობაში გაურკვეველი მიზეზით არ ხსნიდნენ. თუმცა, ამ დროისთვის ადმინისტრაციული საზღვარი გახსნილია და მოქალაქეებიც ახერხებენ გალიდან ზუგდიდში გადმოსვლას.

(პრაიმტაიმი)