შვიდი ადამიანი დაშავდა ავტოსაგზაო შემთხვევის შედეგად გორის მუნიციპალიტეტის სოფელ ტყვიავში.

თვითმხილველთა განცხადებით, საპირისპირო მიმართულებით მოძრავი „ოპელისა“ და „გოლფის“ მარკის ავტომანქანები ერთმანეთს შეეჯახნენ.

დაშავებულთა ნაწილი გორის ჰოსპიტალში, ნაწილი კი „გორმედში“ გადაიყვანეს.

მძიმეა ერთ-ერთი დაშავებულის, „გორმედში“ მოთავსებული 21 წლის გოგოს მდგომარეობა. როგორც საქართველოს პირველი არხის ჟურნალისტი იუწყება, გოგონას სასწრაფო ოპერაცია უტარდება.