(რეზონანსი) „უნივერსალ ფიქჩერზი" და „ეიჩბიოუ" - ეს აბრევიატურები დიდ წარდგენას არ საჭიროებს. მათი წარმომადგენლები, ანუ ამერიკელი კინომწარმოებლები საქართველოს სტუმრობენ. მიზანი კინოგადაღებების კუთხით ქვეყნის პოტენციალის გაცნობაა.

საქართველოში მათი მასპინძელი „ აწარმოე საქართველოში„-ს პროგრამის შემოქმედებითი ჯგუფია.

ვიზიტის ფარგლებში, უცხოელი სტუმრები ქართველ კინომწარმოებლებსა და ქართული საპროდიუსერო კომპანიების წარმომადგენლებს შეხვდებიან, გაეცნობიან ქართული კინოს წარმოების შესაძლებლობებსა და არსებულ ინფრასტრუქტურას.

ისინი 1 კვირის განმავლობაში დაათვალიერებენ ბათუმს, წყალტუბოს, უფლისციხეს, ჭიათურას, თბილისს, ყაზბეგს და რუსთავს. ცნობილ ამერიკელ კინომწარმოებლებს ისეთ ფილმებზე აქვთ ნამუშევარი როგორებიცაა : „TRANSFORMERS", „WE NEED TO TALK ABKEVIN ", „ STAR WARS: The Force Awakens",

ამერიკული კინოწარმოების მაღალი რანგის წარმომადგენლების დელეგაცია, ეკონომიკისა და მდგრადი განვითარების სამინისტროს სსიპ „აწარმოე საქართველოში" მოწვევით, 25 აპრილს ეწვია და 1-ელი მაისის ჩათვლით კინოგადაღებების კუთხით ქვეყნის პოტენციალს შეისწავლის. მათი ვიზიტი სახელმწიფო პროგრამის „გადაიღე საქართველოში" ფარგლებში ხორციელდება.