ქარელის რაიონში, ღვთისმშობლის წმინდა ევაგრეს სახელობის ტაძრიდან ჯვარი მოიპარეს, სადაც წმინდა ნაწილები იყო განთავსებული. ასევე წაღებულია წინამძღვრის სამოსელი და საცეცხლური.

პრაიმტაიმის ინფორმაციით, ტაძარში მყოფმა სასულიერო პირებმა და მომლოცველებმა ფაქტი დილის მსახურებისას შენიშნეს. ამავე დროს მათ აღმოაჩინეს, რომ მორჩილებაში მყოფი ერთ-ერთი ახალგაზრდა მამაკაცი ტაძარში აღარ იყო. ადგილზე მხოლოდ ამ პირის ტანსაცმელი რამდენიმე პირადი ნივთი იპოვეს. არსებობს, ვერსია, რომ შესაძლოა მოძღვრის სამოსელი, ჯვარი და საცეცხლური მძარცველმა თაღლითობისთვის, მოწყალების სათხოვად და თანხის შესაგროვებლად გამოიყენოს.

ქურდობის ფაქტის შესახებ პოლიციას უკვე ეცნობა.