ხაშურში ავარიას ერთი ადამიანის სიცოცხლე ემსხვერპლა. შემთხვევა გუშინ თამარ მეფის ქუჩაზე მოხდა. მინივენის მარკის ავტომობილი ჯერ ბორდიურს, შემდეგ ხეს და შემდეგ ბეტონის ღობის კონსტრუქციას შეეჯახა რის შედეგადაც 30 წლამდე მამაკაცი გარდაიცვალა. მანქანაში მსხდომი ორი ადამიანი კი სხვადასხვა დაზიანებებით საავადმყოფოებში არიან გადაყვანილი.

შინაგან საქმეთა სამინისტრომ ფაქტზე გამოძიება სისხლის სამართლის კოდექსის 276 მუხლის მე 6 ნაწილით დაიწყო რაც სატრანსპორტო საშუალების მოძრაობის ან ექსპლუატაციის წესის დარღვევად გულისხმობს.