(რეზონანსი) გუდამაყრის ხეობაში, მთის ფერდობზე გაჩენილი ხანძარი ლიკვიდირებულია.

ადგილზე მთელი ღამის განმავლობაში შინაგან საქმეთა სამინისტროს საგანგებო სიტუაციების მართვის სამსახურის 80 მეხანძრე-მაშველი მუშაობდა, რომლებიც ნახანძრალი ტერიტორიის მონიტორინგს უწყვეტ რეჟიმში ახორციელებდნენ.

საგანგებო სიტუაციების სამსახურის ინფორმაციით, ადგილზე რთული რელიეფის გამო სახანძრო მანქანების გამოყენება მთის კლდოვან ნაწილზე ვერ მოხერხდა, რის გამოც ალტერნატიული ხანძარსაწინააღმდეგო საშუალებებით აღჭურვილმა მეხანძრე-მაშველებმა, რთული რელიეფის მიუხედავად, ცეცხლის ღია კერების ჩაქრობა რამდენიმე საათში შეძლეს.

ხანძარი გუდამაყრის ხეობაში 25 აპრილს გაჩნდა. მომხდარის შედეგად, დაიწვა 5 ჰექტარზე მეტ ფართობზე არსებული ხმელი ბალახი და ე.წ. ჯუჯა მცენარეები.