დავით გარეჯში უდაბნოს მონასტრამდე მისასვლელი მონაკვეთი გახსნილია. ამ დროისთვის მომლოცველებს, ადგილობრივ მოსახლეობას და ტურისტებს მონასტრამდე გადაადგილება თავისუფლად შეუძლიათ. სასულიერო პირები და მრევლი უკვე ზედა მონასტერში ავიდნენ.

საგარეო საქმეთა მინისტრის დავით ზალკალიანის განმარტებით, ქართულმა მხარემ მომხდარზე მყისიერი რეაგირება მოახდინა და აზერბაიჯანის ხელისუფლებასთან კომუნიკაცია დაამყარა.

მსგავსი ინციდენტები პირველი არ არის. ცნობა იმის შესახებ, რომ აზერბაიჯანელებმა უდაბნოს მონასტერი გადაკეტეს და სასულიერო პირებს აღარ უშვებდნენ, დავით გარეჯის მამათა მონასტრის არქიმანდრიტმა გაავრცელა.