ნარკოდანაშაულისთვის დაკავებულმა მსახიობმა ლევან ჯიბღაშვილმა გირაო შეფარდების შემდეგ პირველი კომენტარი გააკეთა. მან საზოგადოებას და ოჯახს ბოდიში მოუხადა.

"ძალიან რთული 2 დღე გავიარე. ბოდიში მინდა მოვუხადო, პირველ რიგში, ჩემს ოჯახს და საზოგადოებას. დიდი მადლობა ჟურნალისტებს ობიექტურობისთვის", - აღნიშნა ჯიბღაშვილმა.

პროკურატურა ჯიბღაშვილისთვის გირაოს სახით 15 ათასი ლარის შეფარდებას ითხოვდა თუმცა, მოსამართლემ პროკურატურის მოთხოვნა არ დააკმაყოფილა და მსახიობს გირაოს სახით 10.000 ლარის გადახდა განესაზღვრა. იგი თანხის შეტანამდე პატიმრობაში დარჩება.

ნიუპოსტი