რუსთავში 15 წლის მოზარდი გაუჩინარდა. დაკარგული გოგონას ახლობლები ყვებიან, რომ ბავშვი ბებიასთან ერთად ცხოვრობს, დედა კი საზღვარგარეთ იმყოფება. ახლობლების გადმოცემით, გოგონას გადაწყვეტილების სავარაუდო მიზეზი ბულინგია, ვინაიდან მან წასვლის წინ წერილი დატოვა.
"წერილი დაუტოვა ბებიას. წერს, რომ მომბეზრდა ყველაფერიო. სავარაუდოდ, ბავშვს ფსიქოლოგიურად პრობლემები აქვს თანატოლებთან, რადგან ფიზიკურად იწუნებდა საკუთარ თავს და წერს, რომ თითქოს მსუქანი ვარო. ბავშვია, შეიძლება ვინმემ რამე უთხრა ისეთი ამის გამო და მეტი რა უნდა ამ ასაკის ბავშვს" - უთხრა "პრაიმტაიმს" დაკარგული მოზარდის ერთ-ერთმა ახლობელმა.
შინაგან საქმეთა სამინისტროში ამბობენ, რომ ფაქტზე გამოძიება სისხლის სამართლის კოდექსის 115-ე მუხლით დაიწყო, გოგონას სამძებრო სამუშაოები კი აქტიურ რეჟიმში მიმდინარეობს.