საქართველოს ყოფილმა პრეზიდენტმა და ოდესის ოლქის ყოფილმა გუბერნატორმა, მიხეილ სააკაშვილმა შუამდგომლობა წარადგინა, რომ უკრაინაში ჩასვლის აკრძალვა მოუხსნან. მიხეილ სააკაშვილმა ტელეკომპანია „ნაშ“-ის ეთერში განაცხადა, რომ უკვე შეძენილი აქვს ბილეთი და იურისტის დახმარებით, აკრძალვის გაუქმებაზე უკრაინის უსაფრთხოების სამსახურს მიმართა.

„მე მაქვს ბილეთი და უკვე მივმართე ხელისუფლებას, რომ უკრაინაში ჩასვლის აკრძალვა გააუქმონ, რომელიც პეტრო პოროშენკომ უკანონოდ დააწესა. უსამართლობაა ჩემი უკრაინიდან გაშვება, რომელიც მე ისევე მიყვარს, როგორც ჩემი მშობლიური საქართველო“, – აღნიშნა მიხეილ სააკაშვილმა.

ეგზიტპოლების შედეგებზე საუბრისას მიხეილ სააკაშვილმა აღნიშნა, რომ შედეგი ნამდვილი საარჩევნო რევოლუციაა.

(1tv.ge)