(რეზონანსი) პანკისის ხეობაში ადგილობრივებმა პოლიციასთან შეტაკების დროს შპს „ფერის" კუთვნილ ტექნიკას ცეცხლი წაუკიდეს.

როგორც ისინი აცხადებენ, არ აპირებენ გაჩერებას და ღამის განმავლობაში დარჩებიან ადგილზე და არ მისცემენ უფლებას სამართალდამცველებს, რომ მათ ტერიტორიაზე შევიდნენ.

ამ დროისთვის პანკისში უკიდურესად დაძაბული ვითარებაა. ადგილზე უკვე გაემართა შინაგან საქმეთა მინისტრი გიორგი გახარია, რომელიც კახეთში აქციის მონაწილეთა ნაწილს ხვდებოდა. თუმცა მათ, პროტესტის ნიშნად შეხვედრა დატოვეს.