თბილისში ფანასკენტელის ქუჩაზე აფეთქებისა და ხანძრის შესახებ ინფორმაციას თვითმხილველი ავრცელებს.

მოქალაქე ამბობს, რომ აფეთქების ხმა რამდენიმეჯერ გაიგონა, რის შემდეგაც ცეცხლი გაჩნდა.

საგანგებო სიტუაციების მართვის სამსახურის ინფორმაციით, აღნიშნული ლოკაციიდან შეტყობინება შევიდა. როგორც მოქალაქემ გადაუდებელი დახმარების ცენტრს აცნობა, ცეცხლი ავტომობილს გაუჩნდა. ამჟამად ხანძარი ლიკვიდირებულია. საგანგებო სიტუაციების მართვის სამსახურის ცნობით, შემთხვევის შედეგად არავინ დაშავებულია.

(pia.ge)