მარტვილის მუნიციპალიტეტის  მე-9 კლასის მოსწავლე, რომელმაც სიცოცხლე თვითმკვლელობით დაასრულა, უმცროსს ძმასთან და მამასთან ერთად ცხოვრობდა. გარდაცვლილის მეზობელი მერაბ ციცხვაია "პრაიმტაიმს" უყვება,რომ დედამ ბავშვები გაჩენიდან მალე მიატოვა.

"ბიჭების დედა არის ეკა ჩიჩუა. შალვა იყო წლინახევრის და მირიანი 9 თვის როცა დატოვა. ბავშვებს მამა ზრდიდა. როგორც ვიცი დედა აფხაზეთშია, საქართველოს კონტროლირებად ტერიტორიაზე არ იმყოფება. ერთი პერიოდი თბილისშიც ყოფილა. რაც შვილები მიატოვა, მას მერე არავის გვინახავს. გოჩა იყო ამათი პატრონი. მთელი საელიავოს უბანი და მთელი მარტვილი შოკში ვართ... მხოლოდ გარდაცვლილმა იცის სიმართლე რა მოხდა", -აცხადებს"პრაიმტაიმთან" მეზობელი.