გორში პრორუსული ორგანიზაცია მოსახლეობას შეხვდა, შეხვედრას ვლადიმერ ხომერიკი ესწრებოდა, რომელიც რუსეთიდან სპეციალურად ამ შეხვედრისთვის ჩამოვიდა. გორში აქცია გაიმართა, სადაც ხომერიკის ჩასვლა გააპროტესტეს და აქციის ფარგლებში, პუტინის სურათიც დაწვეს.

„მოტყუებით მოგვიყვანეს, ამერიკელები ჩამოდიან და საგრანტო პროექტებს აფინანსებენო. ველოდებოდით ამერიკელებს და დაგვხვდნენ რუსები,” - განუცხადა "ნიუპოსტს" შორენა მამაგულაშვილმა, რომელმაც თანამოაზრეებთან ერთად შეხვედრა პროტესტის ნიშნად დატოვა.