სინოპტიკოსების ცნობით, შაბათ-კვირას გამოდარებას არ უნდა ველოდოთ. მოსალოდნელი არ არის არც ტემპერატურის მატება. ოდნავ უკეთესი მდგომარეობა იქნება ორშაბათს, ხოლო მზიანი ამინდი მხოლოდ სამშაბათიდან არის ნავარაუდევი.

20-21 აპრილს დასავლეთ საქართველოში მოსალოდნელია წვიმა, ხოლო მთაში თოვლი. ტემპერატურა დაბლობაში 11-14 გრადუსის ფარგლებში იქნება.

აღმოსავლეთ საქართველოშიც ანალოგიური ამინდია მოსალოდნელი. ბარში ტემპერატურა 11-13 გრადუსს არ გადააჭარბებს, ხოლო მთაში ითოვებს. რიგ საგზაო მონაკვეთებზე შეიზღუდება ავტოტრანსპორტით გადაადგილება.

რაც შეეხება დედაქალაქს, 20-21 აპრილს თითქმის განუწყვეტელი წვიმაა. ტემპერატურა დაბალ ნიშნულზე დარჩება და 10-12 გრადუსის ფარგლებში იმერყევებს.