პარიზის მერიამ კუნძულ სიტედან, სადაც ღვთისმშობლის ტაძარი მდებარეობს, მოსახლეობის ევაკუაციის გადაწყვეტილება მიიღო.

კუნძულზე მცხოვრებლებს დროებით უახლოეს რაიონებში გადაიყვანენ. დედაქალაქის ტურისტული დეპარტამენტი ასევე გადაიყვანს ტურისტებს, რომლებიც კუნძულზე მდებარე სასტუმროებში იმყოფებოდნენ.

სიტეზე მუდმივად 1000-ზე მეტი ადამიანი ცხოვრობს. გარდა ამისა, იქ 5 სასტუმრო მდებარეობს.

ძლიერმა ხანძარმა ტაძრის კოშკურა და სახურავი განადგურა.

წინასწარი ცნობით, ხანძრის გამომწვევ მიზეზად ტაძრის სარესტავრაციო სამუშაოები სახელდება, რომელიც 2022 წელს უნდა დასრულებულიყო.