ჭყონდიდელის დასახლებაში მცხოვრებნი ციხეების მშენებლობის დროებით შეჩერებასა და იუსტიციის მინისტრთან შეხვედრას ითხოვენ. აღნიშნულთან დაკავშირებით აქტივისტებმა თეა წულუკიანს პეტიციითაც მიმართეს. ჭყოდიდელის დასახლებაში მცხოვრებლები მიმდინარე სამშენებლო სამუშაოების შეჩერებას იმ დრომდე მოითხოვენ, სანამ იუსტიციის მინისტრი მოსახლეობას არ შეხვდება და არ მიეცემათ საშუალება, წულუკიანს გააცნონ საკუთარი მოსაზრებები იმასთან დაკავშირებით, თუ რატომ არ სურთ რუსთაველებს ციხე რუსთავში, კერძოდ კი ჭყონდიდელში, დასახლებულ პუნქტთან ახლოს.

აქციის მონაწილეებმა კვირას, 14 აპრილს, 14:00 საათზე რუსთავის შემოსასვლელის მიმართულებით მასშტაბური საპროტესტო მსვლელობა დააანონსეს და აღნიშნეს, რომ თუ ცენტრალური ხელისუფლებისგან მათ მოთხოვნებს არ მოჰყვება რეაგირება, აქტივისტები შეაფერხებენ ავტოსაგზაო მოძრაობას, კერძოდ კი გადაკეტავენ ქალაქის შემოსასვლელს.