გორის საკრებულოს დეპუტატი, ირმა ამბარდნიშვილი საკრებულოში ნაკადის მომწესრიგებლის თანამდებობის დამატებას ითხოვს. ამბარდნიშვილი ამბობს, რომ შენობაში მისულ მოქალაქეებს თანამდებობის პირების კაბინეტების მოძიება უჭირთ. დაცვის სამსახური კი ამ ფუნქციას არ ითავსებს.

"საკრებულოს შენობაში ყველა თავის ნებაზე შემოდის და გადის. ერთხელაც შეიძლება ვინმე შემოვარდეს და აგვაფეთქოს. მოქალქეებს დეპუტატების მოძებნა რომ უნდათ, შენობაში კარდაკარ დადიან. დაცვის სამსახური კი ამ ყველაფერს ვერ უზრუნველყოფს", - ამბობს ირმა ამბარდნიშვილი.