(რეზონანსი) ბათუმის საკრებულოში ფიზიკური დაპირისპირების შედეგად „ნაციონალური მოძრაობის" წევრი როინ ზოიძე დაშავდა და ის საავადმყოფოში გადაჰყავთ.

როგორც მან განაცხადა, დაზიანებები "ქართული ოცნების" წევრმა მიაყენა.

"ირაკლი პატარიძე აგრესიულად იყო განწყობილი ყველას მიმართ. სიტყვიერი შეურაცხყოფის მერე, სხვა ტონზე გავიდა. ვუთხარი, რომ უხერხული იყო ასეთი ქცევა. შემდეგ, დედაზე შეიგინა, რაც შემდეგ ჩხუბში გადაიზარდა. ფაქტობრივად, 4 ადამიანი 21-ზე ვიყავით," - განაცხადა ზოიძემ "პრაიმტაიმთან".