გორთან ავტომაგისტრალზე დამწვარი ბენზინმზიდს ავტომობილს თურქული ნომრები აქვს და გარდაცვლილიც, სავარაუდოდ, საქართველოს მოქალაქე არ არის.

ავტობანზე, სადაც ცეცხლი სატვირთო მანქანას გაუჩნდა, საავტომობილო მოძრაობა ამ წუთებში აღდგა, თუმცა დიდი საცობია.

მაგისტრალზე გაჩენილ ხანძარს ერთი ადამიანის სიცოცხლე ემსხვერპლა. ერთ-ერთი ვერსიით, მძღოლს საჭესთან ჩაეძინა და დამცავ ბეტონის ჯებირს დაეჯახა. მანქანა სავარაუდოდ მაზუთით იყო დატვირთული, რომელიც შეჯახების შედეგად დაიღვარა, რის გამოც, თვითმხილველების თქმით, ცეცხლი რამდენიმე მეტრზე გავრცელდა.