ავტობანზე, გორთან ხანძარია. ცეცხლი საწვავის გადამზიდ, მისაბმელიან სატვირთო მანქანას გაუჩნდა.

შემთხვევის ადგილზე ნაპოვნია მამაკაცის ცხედარი. მომხდარის გამო, მაგისტრალზე ტრანსპორტის მოძრაობა პარალიზებულია.

ცეცხლის სხვა ტერიტორიაზე გავრცელების საფრთხე ამ დროისთვის არ არსებობს. საგანგებო სიტუაციების მართვის სამსახურის ინფორმაციით, ადგილზე 5 სახანძრო სამაშველო ჯგუფი მუშაობს.

ცენტრალური მაგისტრალი გადაკეტილია. ავტომობილებს შემოვლითი გზით უწევთ გადაადგილება.