(რეზონანსი) რუსთავში, ნიკოლაძის ქუჩაზე მიწისქვეშა მაღალი ძაბვის სადენი აფეთქდა. აფეთქება იმდენად ძლიერი იყო, რომ დააზიანა ასფალტის საფარი და იქვე მდგომი ავტომობილი.

ადგილზე მობილიზებულია სახანძრო-სამაშველო, საპატრულო პოლიციისა და სასწრაფო დახმარების ეკიპაჟები. ადგილზე იმყოფებიან კომპანია "ენერგო-პრო ჯორჯიას" წარმომადგენლებიც.

წინასწარი ცნობით, აფეთქების შედეგად არავინ დაშავებულა.