(რეზონანსი) ქუთაისის მეორე საჯარო სკოლის საკლასო ოთახში ჭერი ჩამოინგრა. შემთხვევა სასწავლო პროცესის დროს მოხდა და კლასში პირველკლასელები იმყოფებოდნენ. ინფორმაციას "imedinews" ავრცელებს.

შემთხვევის შედეგად არავინ დაშავებულა.

ამ ეტაპზე ჭერის ჩამონგრევის გამომწვევი მიზეზი უცნობია. ამის შესახებ ინფორმირებულია განათლების სამინისტრო და განათლების რესურსცენტრი.

სკოლის დირექტორის მურად ჯიშკარიანის ინფორმაციით, ეს ქუთაისის მეორე საჯარო სკოლაში ჭერის ჩამონგრევის მეოთხე შემთხვევაა. წინა შემთხვევები ქსპერტიზამ შეისწავლა და კოპანიის ბრალეულობა არ გამოიკვეთა. ქუთაისის მე-2 სჯარო სკოლას რეაბილიტაცია 2016 წელს ჩაუტარდა.