ზუგდიდში, რამდენიმე დღის წინ კაცის დაჭრის ბრალდებით სამართალდამცველებმა ერთი პირი, დაზარალებულის სიმამრი დააკავეს. შს სამინისტროში "პირველს" უთხრეს, რომ გამოძიება სს კოდექსის 118-ე და 236-ე მუხლებით მიმდინარეობს, რაც ჯანმრთელობის განზრახ დაზიანებას და იარაღის მართლსაწინააღმდეგო ტარებას გულისხმობს.

118-ე მუხლი ისჯება გამასწორებელი სამუშაოთი ვადით თვრამეტ თვემდე ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით ერთიდან სამ წლამდე, იარაღთან დაკავშირებული უფლებების შეზღუდვით ან უამისოდ, 236-ე კი- ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით ორ წლამდე.

კონფლიქტის მიზეზი, არსებული ინფორმაციით, წყვილის მალულად დაქორწინება გახდა.