რუსთავში CO-თი ინტოქსიკაცია 6 ადამიანმა მიიღო. შემთხვევა XXI მიკრორაიონში მოხდა, არსებული ინფორმაციით ოჯახში ბებია, შვილი და შვილიშვილები იმყოფებოდნენ. ადგილზე მობილიზებული იყო სასწრაფო სამედიცინო დახმარების, საპატრულო პოლიციისა და სოკარ-გაზის ეკიპაჟები.

პაციენტები, 4 მცირეწლოვანი ბავშვთა საავადმყოფოში გადაიყვანეს, ხოლო უფროსები ცენტრალურ საავადმყოფოში მოათავსეს.

"ინფო რუსთავს" ბავშვთა საავადმყოფოს ექიმმა განუცხადა რომ პაციენტების ჯანმრთელობის მდგომარეობა ამ დროისთვის სტაბილურია და მათ სიცოცხლეს საფრთხე არ ემუქრება.