რამდენიმე საათიანი შეხვედრის შედეგად ყოფილმა სამხედრო მფრინავმა ეკატერინე ქვლივიძემ და თავდაცვის სამინისტომ შეთანხმებას მიაღწიეს. მფრინავი ქალი 28 ათასი ლარით აღარ დაჯარიმდება. აუდიენცია თავდაცვის სამინისტროში ეკატერინე ქვლივიძეს, ლევან იზორიასა და შეიარაღებული ძალების გაერთიანებული შტაბის უფროსთან ვლადიმერ ჩაჩიბაიას მონაწილეობით გაიმართა.

შეხვედრის დასრულების შემდეგ, სამხედრო მფრინავმა - ეკატერინე ქვლივიძემ განაცხადა, რომ თავდაცვის სამინისტრო სასამართლოში შეტანილ სარჩელს გამოიტანს და ის 28 ათასი ლარით აღარ დაჯარიმდება. ასევე, ეკატერინე ქვლივიძის განმარტებით, მიღწეული შეთანხმების მიხედვით, ის საკუთარ კვალიფიკაციას შეინარჩუნებს. თავდაპირველად საავიაციო ინსტიტუტში მფრინავ ინსტრუქტორად იმუშავებს, მოგვიანებით კი, თავდაცვის სამინისტროში სამხედრო მფრინავის თანამდებობაზე აღდგება.

სამხედრო მფრინავი თავდაცვის სამინისტროს გენდერული ნიშნით დისკრიმინაციაში ადანაშაულებდა. უწყება კი ყოფილ სამხედრო მოსამსახურეს კონტრაქტის დარღვევისთვის 28 ათას ლარს სთხოვდა.