(რეზონანსი) ნიანა რენატა 22 თვის იყო, როდესაც საბავშვო ბაღში დაჭრილი და გაფცქვნილი ვაშლი მიართვეს. ბავშვს ერთ-ერთი ნაჭერი გადასცდა. ინციდენტი ახალი ზელანდიის ჩრდილოეთის კუნძულის ქალაქ როტორუაში მოხდა.

30 წუთის განმავლობაში , ბავშვი ასფიქსიაში იყო და ბიჭუნას ტვინი ჟანგბადით არ მარაგდებოდა, რამაც ცენტრალური ნერვული სისტემის შეუქცევადი ცვლილებები გამოიწვია. ნიანა რენატა სამუდამოდ პარალიზებულია.

ინციდენტის დროს, ბავშვის დახმარება ბაღის პედაგოგებმა სცადეს. ერთ-ერთმა თანამშრომელმა მას გულ-ფილტვის რეანიმაციაც ჩაუტარა, თუმცა ნიანამ პირიდან სისხლი ამოანთხია, გონება დაკარგა და სახეზე ფერი იცვალა. მხოლოდ ამის შემდეგ მიმართეს ბაღის თანამშრომლებმა სასწრაფო დახმარებას. ბიჭუნა საავადმყოფოში გადაიყვანეს, სადაც მან თითქმის 3 თვე გაატარა.

"პრაიმტაიმი"