(რეზონანსი) 70 წლის ქალი, რომელსაც ახალციხეში რამდენიმე დღეა ეძებენ, გარდაცვლილი იპოვეს. ცხედარს მყვინთავებმა მდინარეში მიაგნეს.

"სამძებრო სამუშაოები ხორციელდებოდა. შემდეგ გვითხრეს, რომ შესაძლოა მდინარეში ყოფილიყო. გამოვიძახეთ თბილისიდან მყვინთავები და გუშინ, 30 მარტს იპოვეს." - გვითხრა საგანგებო სიტუაციების მართვის სამსახურის საზოგადოებასთან ურთიერთობის სამსახურის უფროსმა მიშა ფეიქრიშვილმა.

შსს-ში ამბობენ, რომ ქალის გაუჩინარებისთანავე გამოძიება სსკ-ის 143 მუხლით დაიწყო, რაც თავისუფლების უკანონო აღკვეთას გულიხსმობს. გვამის აღმოჩენის შემდეგ საქმე გადაკვალიფიცირდა და გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

"პრაიმტაიმი"