თბილისში, დიდ დიღომში, მესამე სართულიდან გადმოვარდნილი კაცი ავტომობილს დაეცა და გადარჩა, ავტომობილი კი დაზიანდა. ამის შესახებ ინფორმაციას ფეისბუქგვერდი "დიდი დიღომი" ავრცელებს.

"მოგესალმებით უბნელებო. ეს არის ჩემი, მაქანა რომელსაც არც მეტი და არც ნაკლები, პარკირებაზე მდგომს, მესამე სართულიდან გადმოვარდნილი ნასვამი კაცი დაეცა. კაცი კარგადაა, მსუბუქი მოტეხილობებით გადარჩა. აი, ჩემი მანქანა კი გმირია, ადამიანის სიცოცხლე იხსნა. კიდევ კარგი დაზღვეული მყავდა", - წერს ხათო ჩინჩალაძე.