ხადას ხეობაში სმიტების ოჯახის სამი წევრის მკვლელობასა და ლორა სმიტის გაუპატიურებაში მსჯავრდებულ მალხაზ კობაურის საქმეზე სასჯელის დანიშვნის სხდომა 27 მარტს, გორის რაიონულ სასამართლოში გაიმართება. სხდომა 12:00 საათზეა დანიშნული.

ბრალდების მხარე კობაურისთვის უვადო თავისუფლების აღკვეთას მოითხოვს. შესაძლოა სასამართლომ მას 20 წლით თავისუფლების აღკვეთა მიუსაჯოს.

ხადას ხეობაში სმიტების ოჯახის სამი წევრის მკვლელობაში ბრალდებულ მალხაზ კობაურს ნაფიცმა მსაჯულებმა გამამტყუნებელი ვერდიქტი გუშინ გამოუტანეს. კობაური ნაფიცმა მსაჯულებმა წარდგენილ ყველა ბრალში ერთხმად დამნაშავედ სცნეს, მათ შორის, ლორა სმიტის გაუპატიურებაშიც. მსაჯულები სათათბირო ოთახში 4 საათი მსჯელობდნენ.