(რეზონანსი) საქართველოს ნაკრებისთვის 2020 წლის ევროპის ჩემპიონატის შესარჩევი ციკლის თამაშები დღეს დაიწყო. საქართველო-შვეიცარიის დაპირისპირება თბილისის „დინამო არენაზე" გაიმართა და სტუმართა გამარჯვებით, ანგარიშით 2:0 დასრულდა. პირველი გოლი 56-ე წუთზე სტივენ ზუბერმა გაიტანა, ხოლო მეორე გოლი დენის ზაკარიამ მე-80 წუთზე.

საქართველოს ნაკრები საკვალიფიკაციო ეტაპის მომდევნო მატჩს სტუმრად, ირლანდიასთან გამართავს.